-
माजोङको चमक पाँचौं पटक दिल्लीमा : नेपाली क्यासिनोको अन्तर्राष्ट्रिय पहिचान
-
तिहारमा उपत्यकामा ६,१०६ प्रहरी परिचालन : Dog Sniffing सहितको विशेष सुरक्षा योजना लागू
-
चाँगुनारायण मन्दिर
-
कांग्रेसले कार्यवाहक नदिने, विशेष महाधिवेशन पनि नगर्ने
-
जेनजी आन्दोलनका क्रममा देशभर २ हजार ७९ वटा भवनमा आगजनी, ५१९ वटा पूर्ण रूपमा जलेर ध्वस्त
-
एकीकृत समाजवादीको माग– भारतसँगको १९५० को सन्धि खारेज, मिचिएको भूमि फिर्ता
-
घाम अस्ताएपछि भारतबाट विद्युत् नआउने– उद्योग मात्र होइन, घर-घरमा पनि लोडसेडिङको जोखिम
-
छोरीको शव ल्याउन भौँतारिरहेकी ७० वर्षीया आमा
आयल निगम धनगढी डिपोको भण्डारण क्षमता वृद्धिसँगै स्थानान्तरण हुने, लागत साढे ३ अर्ब
ठमाडौं । नेपाल आयाल निगमको सुदूरपश्चिम प्रादेशिक कार्यालय धनगढीस्थित डिपोको भण्डारण क्षमता अभिवृद्धि र स्थानान्तरण हुने भएको छ । सिनामंगल डिपोमा आज पत्रकार सम्मेलन गरेर सो जानकारी दिएको हो ।सुदूरपश्चिम प्रादेशिक कार्यालय धनगढी डिपोको स्थानान्तरण, भण्डारण क्षमता अभिवृद्धि एवं नयाँ स्मार्ट बनाउन लागिएको हो ।
सुदूरपश्चिम प्रदेशका ९ जिल्लाको पायक पर्ने स्थानमा डिपो स्थानान्तरण हुन लागेको हो । कैलालीको गोदावरी नगरपालिका- ८ मा पर्ने अत्तरिया चोकबाट पूर्व करिब ५ किलोमिटरको दूरीमा रहेको पूर्व-पश्चिम राजमार्ग डिपो सार्न लागिएको हो ।डिपो २० बिघा १६ कट्ठा ८ धुर जग्गा स्थानान्तरण हुनेछ । जग्गा प्राप्ति ऐन २०३४ अनुसार जग्गा प्राप्तिको प्रक्रिया अगाडि बढाउन सिफारिससमेत भएको छ । हाल सञ्चालिन डिपो १ विघा ८ कट्ठामा रहेको छ ।
धनगढीमा हाल सञ्चालित डिपो २०३७ सालमा निर्माण भएको थियो । तत्कालीन समयमा सो ठाउँमा पेट्रोलियम पदार्थको माग दैनिक अधिकतम ४ गाडी थियो । १ विघा ८ कठ्ठामा सञ्चालित धनगढी डिपोको क्षेत्रफल अपर्याप्त हुनुका साथै सुरक्षाको मापदण्डभन्दा बाहिर परेकाले स्थानान्तरण गर्न लागिएको प्रादेशिक कार्यालयले जनाएको छ ।
आयल निगमका ७ वटा प्रादेशिक कार्यालय, ३ वटा शाखा कार्यालय, १० वटा हवाई इन्धन डिपो र २ वटा हवाई इन्धन रिफ्युलिङ स्टेशन सञ्चालनमा छन् ।
भण्डारण क्षमता अभिवृद्धि परियोजना प्रमुख प्रदीपकुमार यादवले २०८२ वैशाख पहिलो हप्ताभित्र नेपाल सरकारको उद्योग वाणिज्य तथा आपूर्ति मन्त्रीबाट डीपीआर एवं डिपो निर्माणको शिलान्यास गर्ने बताए ।
उनले भने, ‘डीपीआर निर्माणको जिम्मा काठमाडौं विश्वविद्यालयलाई दिइनेछ । २०८४ सालको वैशाख महिनाभित्र नयाँ स्मार्ट डिपो सञ्चालनमा आउने गरी काम गर्नेछौं ।’
